O NOSO ESPANTALLO

Durante estas semanas estivemos a facer un espantallo. A idea xurdiu a raíz da visita  ao invernadoiro de Fonteboa (Escola de formación agraria que temos xusto ao lado). Hoxe Pablo, un rapaz que estuda o ciclo de grao superior e que xa é o noso amigo veu recollelo. Despedímonos cantando a canción do espantallo e con algo de pena... mais sabemos que alí será máis útil 

A CASA DOS PEIXES

A saída a A CASA DOS PEIXES supuxo unha gran vivencia para todos nós. Os animais estrela foron as quenllas e as focas. Sen dúbida recordaremos por tempo esta visita.

EXPOSICIÓN DE TRACTORES

Hoxe no centro de formación agraria Fonteboa había unha exposición de tractores.Cando saimos ao xardín invitáronnos a vela e non o dubidamos. Deixáronnos subir neles e explcáronnos algunhas cousas. Grazas viciños!!!

SAÚDE BUCODENTAL

A semana pasada veu a farmacéutica de Rabadeira para explicar como coidar a boca e moi especialmente os dentes. Foi unha clase para pequenos e maiores. ¡Moitas grazas a todos!

RECEITA NO FORNO SOLAR

Con esta actividade ademais de aprender unha receita nova comprobamos o funcionamento do forno solar. O termómetro do seu interior chegou marcar 150º e as mazás asadas fixeronse ben. ¡Que invento!